CaspianLife, 20 ақпан. Мемлекет басшысының Жарлығына сәйкес, 15 наурыз күні Қазақстан Республикасының жаңа Конституциясын қабылдау мәселесі бойынша республикалық референдум өтеді.
18 жасқа толған Қазақстан Республикасының азаматтары Ресейдегі Қазақстанның Ресейдегі Елшілігі жанынан ашылатын №429 сайлау учаскесінде дауыс бере алады.
РФ-тағы Қазақстан Елшілігінің баспасөз қызметінің мәліметінше, сайлау учаскесінің жұмыс уақыты: Мәскеу уақыты бойынша 07:00-ден 20:00-ге дейін. Мекенжайы: Мәскеу қаласы, Чистопрудный бульвары, 3 «А» (Қазақстан Республикасының Елшілігі ғимараты).
Сайлау учаскесіне барған кезде өзіңізбен бірге Қазақстан Республикасы азаматының паспорты немесе жеке куәлігі болуы қажет. Сайлау процесін жеңілдету мақсатында Мәскеуде дауыс беретін азаматтар referendum.moscow@mfa.kz электрондық поштасына алдын ала өз деректерін (тегі, аты-жөні толық, туған күні, ЖСН, Ресейдегі тұрғылықты мекенжайы, байланыс телефоны, электрондық поштасы) жолдауы тиіс.
Қазақстанның Ресейдегі Елшілігі Мәскеуден бөлек, жергілікті уақыт бойынша 07:00-ден 20:00-ге дейін Қазақстан Республикасының Бас консулдықтары жанындағы сайлау учаскелерінде де дауыс беруге болатынын еске салды. Атап айтқанда, Астрахань қаласында — 1-ші Аршанская көшесі, 17-үй, №455 сайлау учаскесі, Қазақстан Республикасының Астрахань қаласындағы Бас консулдығы жанында орналасқан.