CaspianLife, 14 қаңтар. Иреклі су қоймасынан су жіберу көлемі 15 қаңтардан бастап секундына 90 текше метрге дейін ұлғайтылады. Бұл шешім көктемгі тасқын суларын қабылдау үшін су қоймасы сыйымдылығын босату мақсатында қабылданды.
«Урал56.Ру | Оренбург, Орск» Telegram-арнасының мәліметінше, 13 қаңтардағы жағдай бойынша Иреклі су қоймасындағы су деңгейі Балтық жүйесі бойынша 243,35 метрді құраған. Бұл қалыпты деңгейден 1,65 метрге төмен (қалыпты тіреу деңгейі – 245 м БЖ).
Сондай-ақ, бір ай бұрын, 16 желтоқсанда Иреклі су қоймасы су жіберу көлемін екі есеге — секундына 30 текше метрден 60 текше метрге дейін арттырғаны еске салынды. Ол кезде су қоймасына келіп жатқан су көлемі секундына 26 текше метр болған. Сонымен қатар, Орынбор облысы үкіметінде су жіберу көлемін одан әрі арттыру қажет деген пікір айтылған.
«Қаңтардың басында (Ресейдің) федералдық бұқаралық ақпарат құралдарында бұл шешім қабылданғаны туралы ақпарат пайда болды. Алайда іс жүзінде су қақпасы тек ертең ғана кеңірек ашылады», — деп нақтылайды «Урал56.Ру | Оренбург, Орск» хабарламасында.