CaspianLife, 17 желтоқсан. Бүгін біз сіздерді таңғажайып адам — доктор Рақымжан Сисенбайұлымен таныстырғымыз келеді, ол өз ісінің нағыз кәсіпқойы, адамдарға ертеңгі күнге сенуге сенімділік пен өмірлік күш сыйлайды.
Хирургия саласындағы көп жылдық тәжірибесі оны Атырау қаласында өз ісін ашуға шабыттандырды. Қажырлы еңбегінің және сүйікті ісіне адалдығының арқасында доктор Рақымжан Сисенбайұлы жоғалтқан функцияларын қалпына келтіру және мүгедектік деңгейін төмендету бойынша білікті медициналық көмек көрсететін бірегей оңалту орталығын ашты.
Бүгінде «Рақым и К» ЖШС клиникасы медициналық қызметтердің кең спектрін ұсынады: инсульттан, жарақаттардан кейін оңалту, тірек-қимыл аппараты ауруларын емдеу, инемен емдеу, емдік дене шынықтыру, сондай-ақ стационарлық емдеу. Стационар 50 төсекке есептелген және пациенттердің ыңғайлы болуы үшін барлық қажеттіліктермен толық жабдықталған.
Штатта түрлі бағыттағы жоғары білікті мамандар жұмыс істейді: дәрігер-реабилитологтар, физиотерапевттер, еңбек терапевтері, логопедтер, аудиологтар, клиникалық психологтар және мейіргерлер. Әрбір пациент жеке көзқараспен қарайды, ал персоналдың қамқорлығы мен тілектестігі клиникада болудың алғашқы минуттарынан бастап сезіледі.
Орталықта көрсетілетін оңалту көмегі балаларға, ересектер мен егде адамдарға күнделікті қызметінде барынша дербестікке және өмір сүру сапасына қол жеткізуге көмектеседі.
Одан әрі дамытуға ұмтыла отырып, «Рақым и К» ЖШС бұдан да жоғары деңгейде қызмет көрсету үшін ең заманауи медициналық жабдықтармен жабдықталған жаңа клиника ашу мақсатында ауданы 2 558,1 шаршы метр жеке ғимаратты сатып алу туралы шешім қабылдады.
Жобаны іске асыру кепілдік беру құралын қолдана отырып, «Бірыңғай кешенді бағдарлама» аясындағы қолдауының арқасында мүмкін болды».
Компания басшысы Рақымжан Сисенбайұлының айтуынша:
«Біз күн сайын өмір біртіндеп — кейде күлімсіреп, кейде бірінші қозғалыстан қайтып келетінін байқаймыз. Әрбiр осындай жеңiс бiздiң жасағанымыздың бәрiне мән бередi. Пайдалы болу — біздің миссиямыз»».
