CaspianLife, 15 желтоқсан. Қазақстан аумағының басым бөлігіне ауқымды циклон әсерін сақтап отыр. Осыған байланысты қар, боран күтіледі, елдің оңтүстігі мен оңтүстік-шығысында жауын-шашын жаңбыр мен қар түрінде жауады, көктайғақ болады, таулы аймақтарда боран соғады.
«Қазгидромет» ұлттық гидрометеорологиялық қызметінің хабарлауынша, республика бойынша жел күшейіп, жылдамдығы 15–20 м/с, кей жерлерде 23–28 м/с-қа дейін жетеді. Оңтүстік және оңтүстік-шығыс өңірлерде түнгі және таңғы уақытта тұман түсуі мүмкін.
Сондай-ақ ауа температурасының өзгеруі болжанып отыр:
— батыс өңірлерде түнде ауа температурасы 10–18 градустан 3–13 градусқа дейін төмендейді, күндіз 0–15 градус аяздан 3 градус аяз бен 5 градус жылуға дейін ауытқиды;
— солтүстік, орталық және шығыс өңірлерде түнде 7–15 градустан 12–28 градус аязға дейін төмендейді, күндіз 5–15 градустан 8–18 градус аязға дейін суытады;
— оңтүстік және оңтүстік-шығыс өңірлерде түнде 3–11 градустан 5–20 градус аязға дейін төмендеп, күндіз 5 градус аяз бен 2 градус жылудан 1–13 градус аязға дейін суытады.