CaspianLife, 20 желтоқсан. Жақында Атырау облысының әкімі Серік Шәпкенов мемлекеттік және қоғамдық қызметте еңбегімен ерекшеленген, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға елеулі үлес қосқан азаматтарды қабылдады.
Облыс әкімдігінің баспасөз қызметінің хабарлауынша, оларға 2024 жылғы 16 қазандағы №675 және 13 желтоқсандағы №733 «Қазақстан Республикасының мемлекеттік наградаларымен марапаттау туралы» бұйрықтарына сәйкес марапаттар табысталды.⠀
«Ерен еңбегі үшін» медалімен марапатталды:
— «Казкомсервис» ЖШС директоры Бақытжан Күлтекенов,
— «ТехИнжСтрой» ЖШС директоры Асқар Мұхамбеталиев,
— «Орлан» ЖШС директоры Кенжебек Мырзағалиев,
— «Павлодар өзен порты» АҚ аймақтық директоры Мақсат Сәдуақасов,
— «Атырау облысы Су Арнасы» КМК энергетика қызметінің инженер-энергетигі Диас Аманов,
— «Атырау жылу-электр орталығы» АҚ электрцехының электр техникалық зертхана меңгерушісі Асылбек Қуанов,
— «Атырау жылу желілері» АҚ №3 учаскесінің магистральдық жылу желілерін жөндеу және қызмет көрсету жөніндегі 5-разрядты слесарі Роллан Күлекешов,
— «Qazaqgazaimak» АҚ ӨФ газ желілерін пайдалану және жөндеу қызметінің жер асты газ құбырларын пайдалану және жөндеу жөніндегі 5-разрядты шебері Анатолий Макеев.
Сонымен қатар, Атырау облыстық мәслихатының 2024 жылғы 27 қыркүйектегі №111-VIII шешіміне сәйкес, «Атырау облысының құрметті азаматы» атағы білім беру саласының ардагері Мәжит Сағиевке, прокуратура ардагері Халидолла Дәуешовке және ішкі істер саласының ардагері Нұрым Оразбаевқа берілді.
Қазақстан Республикасы Энергетика министрлігінің «Мұнай-газ саласының үздік қызметкері» төсбелгісі «Каспий мұнай» АҚ қызметкері Бисенғали Салахиденовке табысталды.
