Атырау студенттерінің жобасы республикалық конкурста жеңімпаздар қатарында

CaspianLife, 21 қазан. «Ахмет Ясауи университетінде отандық жоғары оқу орындарының студенттері арасында «Индустрия 4.0: Креативті студент» республикалық конкурсы өтті.Қазақстан Республикасы Ғылым және жоғары білім министрлігінің баспасөз қызметінің хабарлауынша, конкурстың ,бірінші кезеңінде республикадағы 10 жоғары оқу орындарының студенттерінен 100-ден астам ғылыми жобаларға өтініш түсті. Сараптамалық бағалаудың нәтижесінде 42 ғылыми жоба екінші кезеңге өтті.

Қорытынды кезеңге өткен қатысушылар өз жобаларын «Интеллектуалдық шахмат тақтасы», «Smart көпір жобасын жасау әдістемесі», «Қозғалыс аппаратының бұзылыстары бар балаларға арналған көпфункционалды техникалық құрылғылар», «Физика сабағында STEM-әдісінің дидактикалық құралдары жүйесі», «Кәсіби білім беруде VR-технологияларын қолдану» сияқты маңызды тақырыптарда қорғады.

Қазылар алқасы конкурста ұсынылған үздік ғылыми жобаларды және техникалық жұмыстарды анықтады. Республикалық конкурстың нәтижесінде жүлделі орындарға ие болған студенттер:

— Абай атындағы Қазақ ұлттық педагогикалық университеті,

— С. Аманжолов атындағы Шығыс Қазақстан мемлекеттік университеті,

— Ш. Уәлиханов атындағы Көкшетау университеті,

— Х. Досмұхамедов атындағы Атырау университеті,

— У. Жанибеков атындағы Түркістан қалалық педагогикалық университеті.

 

(Қазақстан Республикасы Ғылым және жоғары білім министрлігінің баспасөз қызметі мәліметтері бойынша)