CaspianLife, 6 қараша — Атырау қаласының әкімі Шәкір Кейкін пара спортшыларды қабылдады. Нақтырақ айтқанда, Токио- 2020 паралимпиада ойындарының жүлдегерлерін және қазан айында Қытайда өткен пара Азия ойындарында үздік үштіктің қатарынан табылған спортшылар мен олардың жаттықтырушыларына алғыс хат табыс етті. Және алдағы жарыстар кезінде сәттілік тілеп, үлкен жетістіктің мықты рух пен үздіксіз шынығудың және үлкен еңбектің арқасында келетінін атап өтті.
«Қала әкімінің алғысы деп бір адамның деп емес, қала халқының алғысы, қошеметі мен құрметі деп қабылдаңыздар дегім келеді. Себебі, сіздер үлкен додада жүргенде ел болып, барлығымыз тақымымызды қысып, қыздарымыз бен жігіттеріміз жүлделі орын алса екен, үлкен мінберден көрінсе екен, кеуделеріне алтын мен күміс ілінсе екен деген тілектер отырамыз. Соның барлығы орындалып жатыр»,-деді Атырау қаласының әкімі Шәкір Кейкін.
Спортшылар да еңбектің еленіп жатқанына ризашылық білдіріп, қала басшысына естелік сыйлық табыс етті.
Қала әкімі пара спортшыларды қабылдады
