CaspianLife, 6 қараша — 5 қараша күні өткен Исатай және Қызылқоға аудандары әкімдері сайлауының қорытындысы шықты, деп хабарлайды CaspianLife.
Сайлаушылар тізімінде 34497 азамат болғанымен барлығы 19328 сайлаушы дауыс берген. Оның ішінде есептен шығару куәліктері бойынша болған жоқ, дауыс беруге арналған үй-жайлардан тыс – 552 адам дауыс берген. Сайлауға 6 үміткер қатысты.
Сайлау қорытындысы төмендегідей:
Исатай ауданында:
Ғұбаш Асылан Жарылғасұлы 1327 дауыс,
Муканов Рашид Тасанович 2295 дауыс,
Мусин Нұрым Бекежанұлы 4934 дауыс жинады.
35 сайлаушы «Барлығына қарсы» белгісін таңдаған.
Қызылқоға ауданы бойынша:
Азмуханов Канат Кадыржанович 8556 дауыс,
Жексенов Магжан Абызович 892 дауыс,
Салыков Сандибек Аманбаевич 1137 дауыс жинады.
«Барлығына қарсы» белгісі бар бюллетеньдер саны — 56.
Сайлау қорытындысымен Исатай ауданының әкімі болып 1980 жылы туған, Исатай аудандық мәслихатының төрағасы, Исатай ауданы Аққыстау ауылының тұрғыны Мусин Нұрым Бекежанұлы сайланды. Ал Қызылқоға ауданының әкімі 1981 жылы туған, Қызылқоға ауданының әкімі, Қызылқоға ауданы Миялы ауылының тұрғыны Азмуханов Канат Кадыржанович болды.
