CaspianLife, 8 қыркүйек — Бұрын облыс тұрғындары денсаулық сақтау мәселелері бойынша қалалық 98-02-92 нөміріне хабарласса, қазір тәулік бойы жұмыс істейтін байланыс орталығы жұмыс істейді, деп хабарлайды CaspianLife.
Өңірлік коммуникациялар қызметінің хабарлауынша, енді Атырауда облыстық денсаулық сақтау басқармасының тәулік бойы жұмыс істейтін байланыс орталығы жаңа 1309 бірыңғай нөмірі арқылы қоңырау қабылдайды. Стационарлық және ұялы телефондарға қоңырау шалу тегін.
Қазіргі уақытта «Қазақтелеком» мамандары барлық ұялы байланыс операторларының барлық провайдерлерімен, яғни Active, Tele-2, Beeline, Altel, KCell және т.б желілермен байланыс орнатуда. Аталған желілерге қосылу жұмыс күні аяқталғанға дейін жүзеге асырылады деп күтілуде.