CaspianLife, 21 маусым – Жасы 70-ке таяған бұрынғы теміржолшы, қазіргі саяхатшы Жұмабай Отарғалиев велосипедпен Қазақстанды аралауға шықты деп хабарлайды сaspianlife.kz.
Ол өзінің осы саяхатын Бейбарыс сұлтанның 800 жылдығына, Шу-Мойынты темір жолының 70, Астана қаласының 25 жылдығына арнаймын дейді. Ардагер 22 маусым мен 31 шілде аралығында БҚО, Ақтөбе, Қызылорда, Талдықорған, Алматы, Павлодар, Маңғыстау облысын аралап шықпақ. Жұмабай Отарғалиевті Атырау қалалық ардагерлер кеңесінің мүшелері ақ жол тілеп, шығарып салды. Жұмабай Отарғалиев осы уақытқа дейін еліміздегі 100-ге жуық елдімекенде болып, 5 мың шақырымдай жол жүрген.
