CaspianLife, 16 мамыр — «Атырау-Ақпарат» футбол командасының ойыншылары марапатталды, деп хабарлайды CaspianLife.
13-14 мамыр күндері Алматы қаласында спорт сарапшысы, комментатор Амангелді Сейітхановты еске алу мақсатында шағын футболдан турнир өткен еді. Жарыста әріптестеріміз – «Атырау-Ақпарат» командасы үшінші орынға ие болған еді. Ал бірінші орынды Қызылорда қаласының «Ақмешіт», екінші орынды елордалық «Қазмедиа» командасы алды. Бүгін жүлделі оралған ойыншылар марапатталды.
«Биыл біз екінші рет барып отырмыз бұл жарысқа. Былтыр жүлдесіз қайтқан едік. Биыл кішкене дайындығымызды көбейтіп, жақсы дайындықпен барғандықтан жүлделі үшінші орынды иелендік деп ойлаймын. Бұл турнир жыл сайын ұйымдастырылып тұрады. Бұйырса алдағы уақытта турнирлерге барып, бұданда жақсы ойын көрсетіп, жеңімпаз боламыз деген үміттемін. Осы орайда бізді қолдаған Атырау қалалық маслихат депутаттары Хамит Қонарбаев пен Бауыржан Әжіғалиевке көп алғысымызды білдіреміз. Бізді осы жарысқа демеушілік танытып, қолдап жіберген болатын» — деді «Атырау-Ақпарат» футбол командасының мүшесі Әли Жайшылықұлы.
Турнир биыл екінші рет ұйымдастырылды. Ерекшелігі сол – осы жолы командаға мүшелікке жасы отыздан асқан ойыншылар алынған.
