CaspianLife, 6 желтоқсан — Атырауда 13 жасар жасөспірімді зорламақ болған күдікті ұсталды, деп хабарлайды Caspian Life.
Облыстық полиция департаментінің хабарлауынша, Авангард ықшам ауданында ер адам Reno Duster көлігін заңсыз басқарып кетіп, көп қабатты үйлердің ауласына жасырынып, көлік ішіндегі 13 жастағы жасөспірімді зорлауға оқталған. Атырау қалалық полиция басқармасының патрульдік полиция батальоны қызметкерлерінің жедел әрекет етуі нәтижесінде ол қылмысқа оқталу кезінде ұсталды.
ҚР Қылмыстық кодексінің 120 бабы 4 бөлігімен, яғни жасөспірімді зорлауға оқталу дерегі бойынша тергеу басталды. Күдікті қамауға алынды. Өзге ақпарат ҚР ҚПК-нің 201-бабына сәйкес жариялануға жатпайды.
