CaspianLife, 21 қазан — Құрманғазы ауданындағы «Серпер» базары өртке оранды. Тілсіз жау туралы хабар №7 өрт сөндіру бөлімінің байланыс бекетіне бүгін таңғы сағат 7 жарымда түскен.
Құтқарушылардың сөзінше, жалпы ауданы 600 ш.м болатын бір қабатты ғимараттың 200 шаршы метрін жалын шарпыған. Салдарынан сауда сөрелеріндегі азық-түлік, киім-кешек жанып кетіпті. Қаза болғандар мен зардап шеккендер жоқ. Қазір өрттің шығу себебі анықталуда.
Жалынды өшіруге 20 құтқарушы жұмылдырылып, 3 техника пайдаланылды.