CaspianLife, 30 наурыз — Атырау облысында ұйытқуы 22-28 м/с болатын қатты желдың салдарынан үйлердің, ғимараттардың шатырларының ұшып, құлау оқиғасы орын алып, олардың құлауы адамдардың өміріне тікелей қауіп төндірді.
Құтқарушылар күшейтілген жұмыс режиміне көшіріліп, шұғыл түрде аварийялық-құтқару жұмыстарын жүргізді. Бір тәулік ішінде 112 номіріне 34 қоңырау түсті (қала — 28, аудандар бойынша — 6). Көп қабатты тұрғын үйлер – 18, Денсаулық сақтау басқармасының объектілері – 3, балабақшалар – 3, мектептер-3, мәдениет үйі-1 және басқалар.
Атырау қаласында қатты желдің салдарынан Қ. Сәтпаев көшесі 19а, М. Баймұханов 39а, Қожақаев 27, М. Әуезов 57, Азаттық даңғылы 72, Алмагүл №2 (қаптама), 6, Нұрсая 29 (қаптама), қаптамасы, шыны қасбеттері, балкон шатыры ішінара бұзылды. 72. Вокзал маңы 4а, 22, Абай 6а, 15, Момышұлы 21( балкон үстіндегі қаңылтыр), Тайманов 58 (сыртқы әйнек қаптама) мекен-жайлары бойынша 15 тұрғын үйдің шатыр бөліктерінің, қаптаманың, әйнек қаптамасының, балкон үстіндегі қаңылтырдардың ұшуы орын алды.
Сонымен қатар, Ақжар кентіндегі «Ақбөбек» балабақшасының қатты желдің салдарынан ауласында орналасқан навестің шатырына, Нұрсая м/а №29 балабақша карнизына, Новостройка кентіндегі №35 балабақша карнизына зақым келген, Смағұлов 14 мекен-жайындағы Атырау облыстық кардиологиялық орталығында жел 100 ш.м. ауданда төбесін құлатты, Владимирская 98 мекен-жайындағы Облыстық ауруханада 35 ш.м. ауданыда сыртқы қаптамасы құлаған, Лесхоз м/а Алиев 8а көшесіндегі арнайы мектептің қоймасының шатыры құлаған, Құрманғазы ауданындағы «Құрманғазы» мәдениет үйінде жел 5 ш.м. аудандағы шатырға зақым келтірді, Локомотив депосында 600 ш.м. шатыры жерге түскен, 50 шаршы метр ауданда Шекара қызметі департаменті ғимаратының төбе жабындысы қайырылып қалған.
Мақат ауданы Мақат ауылында Әлиев көшесі №80/3 (70 ш.м.), Мұқашев көшесі 35 (1226 ш.м.), Жұмашев көшесі 68 (шатыр қайырылып қалған) бойынша көп қабатты тұрғын үйлердің шатыр ұшуы тіркелді.
Индер ауданы Индербор кентіндегі өнер мектебінде 96 ш.м. болатын сыртқы қаптамасының ұшуы орын алды.
Махамбет ауданының Махамбет ауылында аудандық аурухана шатырының қайырылып қалған. Ақтоғай ауылында орта мектептің 12 ш.м. шатырдың құлау қаупі бар.
Қызылқоға ауданында ауа райының қолайсыздығына байланысты Тайсоған, Жамансор, Кенбай, Жанкелдин, Ойл, Көздіқара кенттерінде жарық көзінің өшуі тіркелді. Қазіргі уақытта барлық абоненттер қосымша желіге қосылған, зақымдалған жоғары вольтты желіні қалпына келтіру бойынша жұмыстар жүргізілуде.
Атырау қаласында Сарықамыс м/а, Қызылбалық Геолог, Ақжар ауылдық округтерінде қатты жел салдарынан электр қуатының үзілуі орын алды, қазіргі уақытта барлық абоненттер қосылған.
Департаментте төтенше жағдайларға жедел әрекет ету үшін жедел штаб құрылды. Төтенше жағдайлар орындарында Жедел-құтқару жасағының құтқарушылары альпинистік жабдықтар мен авариялық-құтқару құралдарының көмегімен конструкцияның авариялық фрагменттерін бекітіп, зақымдалған бөлшектерді алып тастап, жолдарды бүлінген шатыр конструкцияларынан тазартты.
Орын алған барлық жағдайда зардап шеккендер жоқ.
