CaspianLife, 2 тамыз — Атырауда 7-12 шілде аралығында жастар апталығы өтеді, деп хабарлайды CaspianLife.
Халықаралық жастар күніне арналған іс шара ауқымды болмақ, дейді ішкі саясат басқармасындағылар. Мысалы аптаның алғашқы күні «Atyrau Quest» интеллектуалды ойынынан басталады. Өтетін орны Ретро саябақ, уақыты кешкі жетіде. Ал сейсенбі күні Махамбет атындағы академиялық қазақ драма театрында көңілді тапқырлар клубының ойыны әрі гала концерт болады. Басталу уақыты кешкі сағат жетіде. Сәрсенбіде атыраулықтар ең үлгілі «жас отбасыны » анықтайды. Конкурс түскі сағат үште Нұрмұхан Жантурин атындағы облыстық филармония ғимаратында өтеді. Бейсенбі күні өлең сүйер қауым Махамбет атындағы қазақ дарама театрына барып, «Алаш» қозғалысының қайраткері, ақын Мағжан Жұмабаевтың 130 жылдығына орайластырылған «Мен жастарға сенемін» атты поэзия кешін тамашалай алады. Ал жұмада атырау жастары Балғымбаев атындағы Даму және коммуникациялар орталығында өтетін «ATYRAU QUIZ» интеллектуалды ойынының ақтық мәресіне қатыса алады. Сенбі күні «Infiniti Eco Hall» мейрамханасында таңғы сағат 10-нан бастап, белгілі мобилограф Қыран Талапбек жас мобилографтарға шеберлік сағатын жүргізеді. Іс шара жексенбі күні Бейбарыс сұлтан атындағы алаңда түскі сағат 2 де басталатын Атырау жастарының фестивалімен аяқталады.
«Биылғы біз жастар күнін ерекше форматта өткізгіміз келді. Сол себепті танымал пабликтерде, үлкени топтарда осы жастарға не қызық, жастардың күні қай бағытта өткені дұрыс болады деп опрос жүргізген болатынбыз. Сол кездле жастардың сұрауы бойынша біз үлкен шараларды жоспарлап қойдық Жалпы біздің қазіргі позициямыз барлығын жастармен бірге ақылдасып отырып істегіміз келеді» — деді Атырау облыстық ішкі саясат басқармасы басшысының орынбасары Әйгерім Досқалиева.
Фото: Inform.kz
