CaspianLife, 13 маусым — Биыл қалада 100 ауладағы ойын алаңдары жаңартылып, жаңадан 35 футбол алаңы салынады, деп хабарлайды Caspian Life.
Жұмыс аяқталып нысандар пайдалануға берілген соң оларды күтіп ұстау үшін арнайы мердігер компания анықталады. Яғни енді ойын алаңдары қараусыз қалмайды. Дегенмен әкімдік мамандары жаңа нысандарға көпшіліктің жауапкершілікпен қарауын сұрайды.
«100 аула» жобасын іске асыру үшін бюджеттен 6,7 млрд теңге бөлінді. Қазіргі уақытта жоба бойынша «Вокзал маңы», «Алмагүл», «Авангард», «Лесхоз», «Балықшы» мөлтек аудандарында абаттандыру жұмыстары жасалып жатыр. 2022 жылы басталған жоба биыл аяқталады деп жоспарланып отыр.
Фото: Ақылбек Кертаев
