CaspianLife, 13 маусым — Доссор-Құлсары тас жолында автобус өртенді, деп хабарлайды Caspian Life.
Атырау облыстық ТЖД-нің дерегінше, оқиға бүгін Мақат ауданы, Доссор-Құлсары тас жолының 27 шақырымында болған. Құтқарушыларға 10:17 шамасында Құлсарыға бағыт алған автобустың өртеніп жатқаны туралы хабар түскен. «Семсер Өрт Сөндіруші» ЖШС-нің 4 қызметкері 1 бірлік техникасымен өртті сөндіру жұмыстарын жүргізді.
Жалын шарпыған «Yutong» маркалы автокөлігі түгелдей жанып кетті. Құтқарушылар өртті 11:04-те ауыздықтады. Зардап шеккендер жоқ.
Фото: Атырау облыстық ТЖД
