CaspianLife, 30 сәуір — Қазақстан өнері үшін орны толмас қаза. Әнші және композитор, Қазақстан КСР халық әртісі Ескендір Хасанғалиев дүниеден өтті.
Бұл туралы мәдениет және спорт вице-министрі Нұрқиса Дәуешов өзінің инстаграм парақшасында жариялаған. «Ардақты ағамыз, асыл ағамыз, әйгілі композитор, ҚР Мемлекеттік сыйлығының иегері, Қазақстан КСР халық артисі Ескендір Өтегенұлы Хасанғалиев өмірден озыпты. Марқұмның жақындарына қайғырып көңіл айтамын. Иманы саламат болсын», — деп жазыпты.
Бұған дейін Ескендір Хасанғалиев пен жары Дарико коронавирус жұқтырып, жансақтау бөліміне түсті деген хабар тараған болатын. Қазақ өнерінде ойып тұрып орын алған әнші 81 жасында көз жұмды.