CaspianLife, 29 ақпан — Жылына бір рет келетін кібісе жылы туралы не білеміз? Деректерде бұл жыл туралы ақпарат ежелде Мысырда пайда болғаны айтылады. Яғни 366 күнге толған жыл кібісе деп аталады екен. Ал 29 ақпанға «кібісе күні» деген атау берілген.
Кібісе жылы 4 жылда бір рет айналып келеді. Демек 29 ақпан да 4 жылда бір рет келіп отырады. Ал Қазақстанда осы күні дүние келген қанша адам бар?
Ұлттық статистика бюросының мәліметінше, 1992 жылы туған 250 ер адам, 191 әйел адам бар. Ал 1996 жылы дүниеге келген 219 ер адам, 197 әйел адам бар.
2000 жылы дүние есігін ашқан 242 ер адам, 211 әйел адам болса, 2004 жылы туған 235 ер адам, 173 әйел адам бар.
2008 жылғы жасөспірімдер арасында 399 ер адам, 394 қыз бала болса, 2012 жылы дүниеге есігін ашқан 463 ер бала, 399 қыз бала, 2016 жылы туған 438 ер бала, 432 қыз бала, 2020 жылы дүниеге келген 461 ер бала, 406 қыз бала бар.
Елімізде «кібісе күні» дүниеге келген қанша адам бар?
