Caspian Life, 9 қазан. «Атырау Ақпарат» холдингінің басшысы Жасын Біркенов жаңа лауазымға ауысты. «Хабар» агенттігі басқармасының төрағасы Кемелбек Ойшыбаев ұжымға жаңа басшыны таныстырып, телеарнаның тізгінін табыстады.
Жасын Біркенов -1989 жылы 30 сәуірде Солтүстік Қазақстан облысында дүниеге келген. Ол еңбек жолын 2006 жылы бастаған. Әр жылдары Петропавлдағы муниципалды телерадиоарнасында жаңалықтар бөлімінің тілшісі, «Қазақстан» телерадиокорпорациясы» АҚ Солтүстік Қазақстан филиалында телебағдарлама өндірісі мен ақпарат бағдарламасының редакторы, «Қазақстан» ұлттық арнасында ақпараттық-сараптамалық «Апта.kz» бағдарламасының тілшісі, «7 арнада» «Нысана» бағдарламасының тілшісі, «Хабар 24» телеарнасының Киев, Ташкент қалалары бойынша меншікті тілшісі, осындағы «Сұхбат», «Өзекті», «Тексердік», «Баспасөзге шолу», «Әкім» бағдарламаларының авторы және жүргізушісі, жаңалықтар бөлімінің бас редакторы және телеарнаның шеф-редакторы қызметтерін атқарған.