caspianlife, 14 тамыз — Облыс орталығында құрылысшылардың кәсіби мерекесі тойланды. Тамыз айының екінші жексенбісінде аталып өтетін бұл мейрамды осы салада еңбек етіп жүргендер асыға күтеді. Мерекелік іс-шараның шымылдығын әртістер театрландырылған қойылыммен ашса, облыс басшылары сала қызметкерлерін төл мерекемен құттықтады, деп хабарлайды CaspianLife.
Іс-шара барысында ҚР Индустрия және инфрақұрылымдылық даму министрлігінің «Құрметті құрылысшы» төсбелгісіне «Құрылыс техникалық бюросы» ЖШС сарапшысы Талғат Бисенов, «Құрметті жолшы» төсбелгісіне «Атырауинжстрой» компаниясының бригадирі Ербол Қалмағанбетов ие болды. Сонымен қатар, бір топ маман министрліктің құрмет грамотасы мен алғыс хатын алды. Облыс әкімінің және AMANAT партиясы Атырау облыстық филиалының атынан берілген марапаттар да өз иелерін тапты.
Сондай-ақ, облыс әкімінің орынбасары «Нұрәлемқұрылыс» ЖШС техникалық қадағалаушысы Кәрім Салықбаевтың кеудесіне Қазақстан Құрылысшылар Одағының «Еңбек сіңірген құрылысшы» медалін тақты. Іс-шара мерекелік концертпен аяқталды.
Фото: Атырау облысының әкімдігі
