CaspianLife, 4 шілде — Аймақтық «Caspian News» телеарнасы «Тұмар – 2023» ұлттық телевизиялық сыйлығының «Үздік аймақтық телеарна» номинациясы бойынша жеңімпаз атанды, деп хабарлайды Caspian Life.
Комиссия мүшелеріне үздік тележурналист, үздік тележүргізуші, үздік әлеуметтік жоба, үздік спорт комментаторы, үздік журналисттік зерттеу секілді барлығы 12 номинация бойынша 300-ге жуық өтініш түскен. Әділқазылар ұсынылған материалдарды жабық дауыс беру арқылы анықтады. Жеңімпаздарға «Тұмар» статуэткасы және 1 миллион теңге көлеміндегі сыйақы табысталды.
2018 жылы ашылған Caspian News телеарнасы еліміздің батыс аймағының және Каспий жағалауындағы елдердің ақпаратын тарататын телеарна. Телеарнаның өнімдерін «Отау ТВ» отандық жерсеріктік телевизиясынан, «AlmaTV» кабельдік желісінен, «BeeTV»-дан, IDTV-дан және ЦЭТВ желісінен таашалауға болады.
