CaspianLife, 30 маусым —Квазимемлекеттік сектор мен мемлекеттік органдар 153 кәсіпкерлік субъектісіне 1 миллиард теңгеге жуық берешек төлеген,- деп хабарлайды caspianlife.kz. Мұны Атырау облыстық сыбайлас жемқорлыққа қарсы күрес қызметі департаментінің басшысы брифинг барысында айтты. Еркебұлан Серікқалиевтің сөзінше, бизнесмендердің қызметін пайдаланып, кейін ақысын беруге асықпайтын мекеме көп. Кәсіпкерлердің проблемасы мұнымен бітпейді. Мысалы оған қаланың оң жағының инфрамқұрылыммен толық қамтылмағанын және алаң, аллеяларда ойын-сауық қызметтерін ұйымдастыру кезіндегі қиындықтарды жатқызуға болады. Мысалы, Исатай-Махамбет атындағы орталық алаңдаығ кәсіпкерлер әкімшілік кедергілерге көп кездеседі. Кәсіпкерлер көбіне жер қатынастары, салық және бизнесті қолдауға бағытталған мемлекеттік бағдарламалардың қолжетімділігіне шағымданады.
Меморгандар кәсіпкерлер алдындағы 1 млрд.тг жуық қарызды өтеді
