CaspianLife, 29 маусым —Атырауда «Мерейлі отбасы» ұлттық байқауына қатысқысы келетін жанұялар қажетті құжатты 1-ші шілдеге дейін тапсыра алады,- деп хабарлайды caspianlife.kz. Осы уақытқа дейін қала бойынша 53 отбасы өтініш берген. Тиісті құжаттарды аудандық немесе қалалық ішкі саясат бөлімінің мамандары қабылдайды. Конкурсқа қатысу үшін жеке төлқұжаттың, неке қию, балалардың туу туралы куәлігінің, отбасы мүшелерінің еңбектегі, спорттағы жетістіктерін куаландыратын құжаттардың көшірмесі және т.б қажет. Ескертетін жайт — ҚР аумағында тиым салынған ұйымдардың құрамына мүшелікке өткен және сотты болған мүшесі бар отбасылар конкурсқа қатыса алмайды. Конкурс – отбасылық құндылықты жаңғыртып, насихаттау және бала тәрбиесіндегі ата-ананың жауапкершілігін арттыру жалпы еліміздегі жанұялардың имиджін көтеру мақсатында ұйымдастырылады.
«Мерейлі отбасы» байқауына құжат қабылдау 1-шілдеде аяқталады
