CaspianLife, 9 маусым — Балық өнімдерінің құтылары мен балық аулау құралдары және балықшылардың киімі. Мұның барлығын тұрғындар Атырау облыстық тарихи-өлкентану музейінде өтіп жатқан көрмеден тамашалай алады,деп хабарлады CaspianLife.
Көрме Атырау балық консерві комбинатының 90 жылдығына арналып жасақталған.
Бүгін өте керемет көрме өтті. Өзім бірінші рет емес бірнеше рет келіп отырмын. Жалпы өтке қызықты, балаларға да қызықты. Жалпы өзім қызығатынмын осы балықтың қалай ауланады, енді алғаш рет осындай көрме ашылып жатыр екен балыққа байланысты. Өзіміздің енді осы Атырау өңірінде балық шығаратын болғаннан кейін көптеген балықтың түрлерін балалық шағымызды еске түсіретін консервылардың түрін көріп қуанып қалып жатырмыз — деді Атырау қаласының тұрғыны Гүлжихан Ақоразова.
Көрмеге 120 дан астам жәдігер қойылған. Солардың бірі қос желкенді қайықтың макеті. Мұны балықшылар Каспий теңізінен балық аулау үшін пайдаланған. Ұзындығы 15, ені 3, ал биіктігі 2 метрге жуық. Одан бөлек көрмеге осы салада көп жылдар бойы еңбек еткен балық кесуші Айнаш Байжігітова мен зауытты басқарған Қайыржан Әлиевтің құжаттары, тұтынған заттары қойылған.
Соғыс жылдарында осы Хадиша Қабдолова 1937 жылы депутат болған кезде оған жауынгерлер майданға көмектескені үшін арнайы түрде хат жазған, алғысын білдірген. Сол туралы осы жерде хатта бар. Және жаңа айтқандай документтер. Бұл соның ішінде қатысқан, жұмыс жасаған колхозшылардың, білікті мамандардың жеке документтері де біздің музейде, қорымызда сақталған. Соны да ерекше атап көрсеттік — деді Атырау облыстық тарихи-өлкетану музейінің экскурсоводы Нұргүл Шалимова.
Қазақстан балық индустриясы 1933 жылы 6 қарашада Октябрь революцияның 16 жылдығына орай іске қосылды. 1934 жылы Гурьев комбинаты 30 мың центнерге жуық салқындатылған, 200 центнер қақталған, 1000 центнер ысталған балық және 6 млн консерві құтысын шығарған. Атырау балық құты комбинаты 1991 жылы Атырау кәсіпорны базасында құрылды. Қазіргі уақыта өңірімізде балық аулаумен және оны өңдеумен 19 өндірістік кәсіпорын айналысады және бекіре тұқысмдастарды өсіретін 2 зауыт жұмыс жасайды.