CaspianLife, 2 ақпан — Тұщықұдық ауылында жаңадан салынған дене шынықтыру-сауықтыру кешені пайдалануға берілді, деп хабарлайды CaspianLife.
Нысанның құрылысы «Ауыл — ел бесігі» бағдарламасы аясында өткен жылдың маусым айында басталған еді. Спорт кешенінің жалпы ауданы 800 шаршы метрден астам. Бірінші қабатта үлкен ойын залы, екінші қабатта жаттығу бөлмесі бар. Іші түгелдей замануи құрылғылармен жабдықталыпты. Ғимарат қасына шағын футбол алаңы да салынған.
«Біз өте қуаныштымыз. Себебі бұған дейін балаларымыз әр жерде, театрда, мектепте, өздеріне дайындыққа ыңғайсыздау жерлерде дайындықта жүрді.+++енді балаларымыздан үміт күтеміз. Алда олимпиадалық, әлемдік дәрежедегі спортшылар шықса деп сенеміз» — деді Тұщықұдық ауылының тұрғыны Алмагүл Қанатова.