CaspianLife, 25 қаңтар — Атырауда интернет алаяқтықтың құрбандары артып келеді, деп хабарлайды CaspianLife.
Былтыр полицейлер бұл бойынша 710 іс тіркепті. 2021-мен салыстырғанда 5%-ке көп. Ал, биыл қаңтар айының өзінде 43 тұрғын интернет алаяқтардың арбауына түскен. Бұған тұрғындардың аңғалдығы себеп дейді мамандар. Олардың сөздеріне сенсек, зардап шегушілер экранның ар жағындағы бөгде адамға жеке деректерін еш күмәнсіз бере салған. Әсіресе, интернет магазиндер арқылы сауда-саттық жасағанда осындай фактілер жиі кездесетін көрінеді.
«Құрбан болмау үшін алдын ала ақшаны аудармау қажет. Мысалы, затты ОЛХ-ке, Крыша.кз сайттарында жарнамалағанда ақша аудармау керек. Ол жеке куәлігін жіберуі мүмкін сендіру үшін. Ал ол алаяққа тиесілі болмауы мүмкін» — деді Атырау қалалық ПБ тергеушісі Жұлдыз Ерғалиева.
