CaspianLife, 2 желтоқсан — Биыл облыс орталығындағы көп қабатты тұрғын үйлердегі 14 лифт жаңартылды. Солардың қатарында Бауыржан Момышұлы көшесінде орналасқан №23,25 және 27 тұрғын үйлер де бар. Бұған тұрғын үй коммуналдық шаруашылығын дамытудың 2020-2025 жылдарға арналған «Нұрлы жер» мемлекеттік бағдарламасы арқау болып отыр.
«Осында көшіп келгеннен бері ескі лифтті қолданып жүрдік. Ол бір күн жасайды, бір күні бұзылады. 18 жылдан кейін ауыстырып жатқандарына рахмет!», — деді қала тұрғындарының бірі Саламат Тілепбергенов.
Енді тұрғындар әкімдіктен лифт тез тозбасы үшін карталық жүйені енгізуді сұрап отыр.
«Жөндеу жұмыстарын жүргізген — «Лифтспецстрой» ЖШС мердігер мекемесі. Компания тұрғындардың өтініш бойынша жеделсатынынң ішінде заманға сай бейнебақылау орнатқан болатын және ертең алдағы күндері караталық жүйе енгізіледі», — дейді Атырау қалалық «Тұрғын үйлерге коммуналдық қызмет көрсету» ЖШС бас маманы Мерей Игілік.
Әр лифтінің орташа құны шамамен 27-40 миллион теңгенің аралығында. Оны тұрғындар алдағы 10 жылдың ішінде ай сайын несие ретінде төлеп тұратын болады.