CaspianLife, 3 қараша — Атырауда тегершік жөндеу орталығының алдында тұрған екі көлік өртеніп кетті. Бұл туралы облыстық ТЖД-нің баспасөз қызметі хабарлады.
Өрт туралы құтқарушыларға бүгін сағат 12:12 шамасында қоңырау түскен. Оқиға орнына барған мамандар «Gazelle Nехt» маркалы жүк көлігінің жанып жатөанын анықтады. Кейін жүк көлігінің қасында тұрған «Mercedes» автокөлігі де отқа оранды.
Өртті сөндіруге Атырау облысы ТЖД 1 бірлік техникасы мен 5 жеке құрамы жұмылдырылды. Қаза болғандар мен зардап шеккендер жоқ. Өрт сағат 12:30 минутта толықтай жойылды. Өрттің себебі анықталуда.
«2022 жылы басталғалы автокөліктерде 66 өрт оқиғасы тіркеліп отыр.
Құрметті автокөлік иелері! Өз автокөліктеріңізде өрт қауіпсіздігі ережелерін қатаң сақтауларыңыз сұралады және де әр автокөлікте өрт сөндіргіш болуы керектігін ескертеміз!», — дейді облыстық ТЖД-нің баспасөз қызметі.
