CaspianLife, 7 тамыз — Атырауда Баймұханов көшесінде орналасқан «Sulpak» тұрмыстық техника және электроника дүкенінен өрт шықты. Бұл туралы облыстық ТЖД баспасөз қызметі хабарлады.
Оқиға сағат 18:04 шамасында болған. Баспасөз қызметінің хабарлауынша, дүкен ғимаратының сыртында орналасқан салқындатқыш блогында қысқа тұйықталу болған. Салдарынан қасына жиналған ауданы 1х1 м болатын қоқыс жанып кетті.
Жалын 18:14-те ауыздықталды. Зардап шеккендер жоқ.
